«Бавария» «Фулхэм» ярим ҳимоячиси Жоау Палинья трансфери устида ишлашда давом этмоқда. "Sky Germany" журналисти Флориан Плеттенберг ижтимоий тармоқларда хабар беришича, Мюнхен клуби Палинья учун 45-46 миллион евро таклиф қилган. «Бавария» бу таклифни охиргиси сифатида кўрсатмоқда.
Манбанинг қайд этишича, томонлар келишувни ёпиш имкониятига оптимистик қарашмоқда. «Бавария» аллақачон 28 ёшли футболчи билан 2028 йилнинг ўрталарига қадар мўлжалланган шартнома борасида келишиб олган.
2023/2024 йилги мавсумда Жоау Палинья 41 та расмий ўйин ўтказиб, 4 та гол урди ва битта голли узатмани амалга оширди.
