Jumadan shanbaga o‘tar kechasi Braziliya terma jamoasi Amerika kubogi doirasida Paragvayga qarshi maydonga tushdi.

Braziliyaliklar yirik 4:1 hisobida g‘alaba qozondi va hujumchi Vinisius Junior dubl qayd etdi.

Ijtimoiy tarmoqlarda muxlislar Neymarning tribunada Vinisiusning gollaridan telbalarcha quvonayotgani aks etgan videolarni muhokama qilishmoqda. Tizzasidan olgan jarohati tufayli Amerika Kubogida ishtirok etmayotgan Neymar quvonchli his-tuyg‘ularga to‘ldi va ularni ifoda etishdan tortinmadi.

Eslatib o‘tamiz, Neymar Amerika kubogi doirasidagi ilk uchrashuvda Kosta-Rika bilan durang o‘ynagandan so‘ng (0:0) Braziliya terma jamoasini qo‘llab-quvvatlagan edi. Guruh bosqichining 3-turida Braziliya Kolumbiyaga qarshi bahs olib boradi.