Жумадан шанбага ўтар кечаси Бразилия терма жамоаси Америка кубоги доирасида Парагвайга қарши майдонга тушди.
Бразилияликлар йирик 4:1 ҳисобида ғалаба қозонди ва ҳужумчи Винисиус Жуниор дубл қайд этди.
Ижтимоий тармоқларда мухлислар Неймарнинг трибунада Винисиуснинг голларидан телбаларча қувонаётгани акс этган видеоларни муҳокама қилишмоқда. Тиззасидан олган жароҳати туфайли Америка Кубогида иштирок этмаётган Неймар қувончли ҳис-туйғуларга тўлди ва уларни ифода этишдан тортинмади.
Эслатиб ўтамиз, Неймар Америка кубоги доирасидаги илк учрашувда Коста-Рика билан дуранг ўйнагандан сўнг (0:0) Бразилия терма жамоасини қўллаб-қувватлаган эди. Гуруҳ босқичининг 3-турида Бразилия Колумбияга қарши баҳс олиб боради.
