Qozog‘iston turizm va sport vaziri o‘rinbosari Serik Jarasbayev mamlakat sportchilarining Parij Olimpiadasiga tayyorlanishi uchun ishlatilgan mablag‘ haqidagi savolga javob qaytardi.
"Milliy terma jamoalarning Olimpiya o‘yinlariga tayyorgarlik ko‘rishi bilan sportni rivojlantirish direksiyasi shug‘ullanadi. Terma jamoaning Olimpiadaga tayyorlanishi va ishtiroki uchun 980 million tenge atrofida pul sarflandi", - dedi Jarasbayev.
Ma’lumot uchun, bu pul bugungi kungi kurs bilan hisoblaganda dollarda taxminan 2 074 213 dollar, so‘mda esa taxminan 26 044 131 000 so‘m tashkil etadi.
