Germaniya terma jamoasi hujumchisi Niklas Fyullkrug Daniyaga qarshi asosiy tarkibda maydonga tushmaganidan hafsalasi pir bo‘ldimi, degan savolga javob berdi.
"Siz har doim qarorni tushunishga harakat qilasiz. Murabbiy men bilan gaplashdi. Suhbat mazmuni oramizda qoladi. Albatta, mening o‘z fikrlarim bor. Ammo hozircha hammasi yaxshi ketmoqda. Buni tan olishimiz kerak. Tegishli boshlang‘ich tarkib va almashtirishlar bilan hamon turnirni mag‘lubiyatsiz o‘tkazyapmiz. Bu ham hamma narsani avvalgidek qoldirish argumentidir", - deya Fyullkrug so‘zlarini keltiradi Bild.
Daniya bilan o‘yinda hujumchi 64-daqiqada maydonga tushdi va samarali harakatlarni amalga oshirishga ulgurmadi.
