Nunu Mendeshni Kilian Mbappeni qanday to‘xtatish kerakligi haqidagi savol hayratda qoldirdi.
Yevro-2024 chorak finalida Portugaliya va Fransiya terma jamoalari to‘qnash kelishadi. Uchrashuv 5 iyul kuni bo‘lib o‘tadi.
O‘yindan oldingi matbuot anjumanida jurnalist portugaliyalik himoyachiga “PSJ”dagi sobiq jamoadoshi Kilian Mbappeni qanday qilib to‘xtatish kerakligi haqida savol berdi.
"Siz mendan jiddiy so‘rayapsizmi? To‘g‘risini aytsam, u mening qanotimda o‘ynamaydi. Agar u mening qanotimga kelsa, men tayyorman.
Men har kuni shu daqiqa uchun mashq qilaman. Biz barchamiz Fransiyaga qarshi ushbu o‘yinga tayyormiz va ularning kuchli tomonlarini yo‘q qilish va o‘z o‘yinimizni ko‘rsatish uchun qo‘limizdan kelganini qilamiz.
O‘ylaymanki, Mbappeni to‘xtatish oson bo‘lmaydi (kuladi). Lekin men uni ozgina bilaman va uni to‘xtatish uchun qo‘limdan kelgan barcha ishni qilaman", - dedi Mendesh.
