Нуну Мендешни Килиан Мбаппени қандай тўхтатиш кераклиги ҳақидаги савол ҳайратда қолдирди.
Евро-2024 чорак финалида Португалия ва Франция терма жамоалари тўқнаш келишади. Учрашув 5 июль куни бўлиб ўтади.
Ўйиндан олдинги матбуот анжуманида журналист португалиялик ҳимоячига “ПСЖ”даги собиқ жамоадоши Килиан Мбаппени қандай қилиб тўхтатиш кераклиги ҳақида савол берди.
"Сиз мендан жиддий сўраяпсизми? Тўғрисини айтсам, у менинг қанотимда ўйнамайди. Агар у менинг қанотимга келса, мен тайёрман.
Мен ҳар куни шу дақиқа учун машқ қиламан. Биз барчамиз Францияга қарши ушбу ўйинга тайёрмиз ва уларнинг кучли томонларини йўқ қилиш ва ўз ўйинимизни кўрсатиш учун қўлимиздан келганини қиламиз.
Ўйлайманки, Мбаппени тўхтатиш осон бўлмайди (кулади). Лекин мен уни озгина биламан ва уни тўхтатиш учун қўлимдан келган барча ишни қиламан", - деди Мендеш.
