Markaziy yarim himoyachi Tangi Ndombele faoliyatini "Nissa"da davom ettirishi mumkin, deya xabar beradi Foot Mercato nashri. Tomonlar ikki yillik shartnoma imzolashlari kutilmoqda.
Ndombele "Tottenxem" bilan shartnomasi muddatidan oldin bekor qilinganidan keyin erkin agent hisoblanadi.
2019 yilning yozida Ndombele "Lion"dan "Tottenxem"ga londonliklar uchun rekord darajadagi - 62 million yevroga sotib olingandi, ammo yarim himoyachi "shporlar" safida mustahkam o‘rin ola olmadi. U jamoa safida 91ta o‘yin o‘tkazib, 10ta gol urgan va 9ta golga assistentlik qilgan.
"Tottenxem"ga o‘tganidan so‘ng Ndombele "Lion", "Napoli" va "Galatasaroy" klublarida ijara asosida o‘ynadi. O‘tgan mavsumda 27 yoshli futbolchi Turkiya chempionatida 19 o‘yin o‘tkazib, bitta golli uzatmani amalga oshirgan.
