Марказий ярим ҳимоячи Танги Ндомбеле фаолиятини "Ницца"да давом эттириши мумкин, дея хабар беради Foot Mercato нашри. Томонлар икки йиллик шартнома имзолашлари кутилмоқда.
Ндомбеле "Тоттенхэм" билан шартномаси муддатидан олдин бекор қилинганидан кейин эркин агент ҳисобланади.
2019 йилнинг ёзида Ндомбеле "Лион"дан "Тоттенхэм"га лондонликлар учун рекорд даражадаги - 62 миллион еврога сотиб олинганди, аммо ярим ҳимоячи "шпорлар" сафида мустаҳкам ўрин ола олмади. У жамоа сафида 91та ўйин ўтказиб, 10та гол урган ва 9та голга ассистентлик қилган.
"Тоттенхэм"га ўтганидан сўнг Ндомбеле "Лион", "Наполи" ва "Галатасарой" клубларида ижара асосида ўйнади. Ўтган мавсумда 27 ёшли футболчи Туркия чемпионатида 19 ўйин ўтказиб, битта голли узатмани амалга оширган.
