«Barselona» sardorlaridan biri Serxi Roberto tezroq klub bilan kelajagini hal qilmoqchi.
Insayder Luis Roxo xabariga ko‘ra, Roberto «Barcelona»ga 10 iyulgacha vaqt berdi. Futbolchi kelajagini shu sanadan oldin hal qilishni xohlaydi. Ammo bu muddat kamlik qilishi mumkin chunki direktorlar kengashi hali moliyaviy muammolarni hal qilmagan.
Futbolchi qaror qabul qilishi kerak. U kutish muddatini uzaytiradi yoki boshqa klub taklifini qabul qilishga qaror qiladi. Robertoga «Roma» va «Yuventus» klublari katta qiziqish bildirmoqda.
Aniq narsa shundaki, amaldagi shartnoma bo‘lmasa, Roberto jamoa bilan mashg‘ulot o‘tkaza olmaydi, shuning uchun u klub bilan kelishuvni kutadi va yolg‘iz o‘zi mashg‘ulotlar olib boradi. Klub 10 iyuldan mashg‘ulotlarni boshlaydi.
