«Барселона» сардорларидан бири Серхи Роберто тезроқ клуб билан келажагини ҳал қилмоқчи.
Инсайдер Луис Рохо хабарига кўра, Роберто «Барcелона»га 10 июлгача вақт берди. Футболчи келажагини шу санадан олдин ҳал қилишни хоҳлайди. Аммо бу муддат камлик қилиши мумкин чунки директорлар кенгаши ҳали молиявий муаммоларни ҳал қилмаган.
Футболчи қарор қабул қилиши керак. У кутиш муддатини узайтиради ёки бошқа клуб таклифини қабул қилишга қарор қилади. Робертога «Рома» ва «Ювентус» клублари катта қизиқиш билдирмоқда.
Аниқ нарса шундаки, амалдаги шартнома бўлмаса, Роберто жамоа билан машғулот ўтказа олмайди, шунинг учун у клуб билан келишувни кутади ва ёлғиз ўзи машғулотлар олиб боради. Клуб 10 июлдан машғулотларни бошлайди.
