Xavyer Tebas Google va Apple'ni noqonuniy futbol translyasiyalari ulushi ortib borayotganida aybladi.
La Liga prezidentining fikricha, global korporasiyalar siyosati tufayli jahon futboli hozirgi ko‘rinishida yo‘q bo‘lib ketishi mumkin.
“Sport sanoati hozirgacha eng katta muammoga duch kelmoqda. Bu faqat futbolga taalluqli emas. Agar noqonuniy translyasiyalar ulushi ortib ketsa, futbolni tekin tomosha qilish mumkin bo‘lsa, bizga kam pul tushadi.
Bu esa, o‘z navbatida, shartnomalar yoki muxlislar bilan ishlash bo‘ladimi, futbolga kamroq sarmoya kiritamiz, degani.
Buning uchun Google va Apple javobgar. Noqonuniy translyasiyalari bo‘lgan saytlarni Google'da topish mumkin, ular reklama uchun ancha pul ham ishlashmoqda", dedi Tebas.
