Хавьер Тебас Google ва Apple'ни ноқонуний футбол трансляциялари улуши ортиб бораётганида айблади.
Ла Лига президентининг фикрича, глобал корпорациялар сиёсати туфайли жаҳон футболи ҳозирги кўринишида йўқ бўлиб кетиши мумкин.
“Спорт саноати ҳозиргача энг катта муаммога дуч келмоқда. Бу фақат футболга тааллуқли эмас. Агар ноқонуний трансляциялар улуши ортиб кетса, футболни текин томоша қилиш мумкин бўлса, бизга кам пул тушади.
Бу эса, ўз навбатида, шартномалар ёки мухлислар билан ишлаш бўладими, футболга камроқ сармоя киритамиз, дегани.
Бунинг учун Google ва Apple жавобгар. Ноқонуний трансляциялари бўлган сайтларни Google'да топиш мумкин, улар реклама учун анча пул ҳам ишлашмоқда", деди Тебас.
