Himoyachi Rikkardo Kalafyori yozgi transfer oynasida «Bolonya»dan «Arsenal»ga o‘tishi mumkin. London klubi allaqachon 22 yoshli futbolchi bilan 5 yillik shartnoma shartlarini kelishib olgan. Hozir «kanonirlar» transfer narxini muhokama qilishmoqda. A Seriya klubi 50 million yevro so‘ramoqda, bu haqda nufuzli insayder Fabrisio Romano ijtimoiy tarmoqlarda yozgan.

Qayd etilishicha, «Bazel» 4,5 million yevrodan ortiq transfer summasining 50 foizini oladi. Kalafyori 2022/2023 yilgi mavsumda Shveysariya klubida o‘ynagan.