Jud Bellingem Slovakiyaga qarshi o‘yinda chiroyli gol urganidan keyin qo‘l ishorasi uchun jarima va bir o‘yinga diskvalifikasiya qilindi.
Angliya terma jamoasi bosh murabbiyi Garet Sautgeyt bu borada fikr bildirdi. “Men u bilan bu haqda gaplashmadim. 96-daqiqada bunday gol urish inson hayotidagi aql bovar qilmaydigan lahzadir.
Uning o‘rnida bo‘lganimda qanday munosabatda bo‘lardim, bilmayman, ayniqsa, o‘sha yoshda. Hech kim mukammal emas. Ba’zida sizni his-tuyg‘ular boshqaradi. Tuyg‘ularsiz Bellingem o‘ziga o‘xshamaydi. Menimcha, u ajoyib ish qilyapti”, dedi Sautgeyt jurnalistlarga.
