Жуд Беллингем Словакияга қарши ўйинда чиройли гол урганидан кейин қўл ишораси учун жарима ва бир ўйинга дисквалификация қилинди.
Англия терма жамоаси бош мураббийи Гарет Саутгейт бу борада фикр билдирди. “Мен у билан бу ҳақда гаплашмадим. 96-дақиқада бундай гол уриш инсон ҳаётидаги ақл бовар қилмайдиган лаҳзадир.
Унинг ўрнида бўлганимда қандай муносабатда бўлардим, билмайман, айниқса, ўша ёшда. Ҳеч ким мукаммал эмас. Баъзида сизни ҳис-туйғулар бошқаради. Туйғуларсиз Беллингем ўзига ўхшамайди. Менимча, у ажойиб иш қиляпти”, деди Саутгейт журналистларга.
