"Manchester Yunayted" "Bolonya"ga hujumchi Joshua Zirkzee uchun 40 million yevro tovon puli to‘lashga tayyorligini aytdi.

Goal xabariga ko‘ra, 23 yoshli futbolchining agenti kelishuvni yakunlash uchun "qizil iblislar" bilan to‘g‘ridan-to‘g‘ri muzokaralar olib bormoqda. "Milan" "Bolonya"ga tovon puli ular uchun juda yuqori ekanligini ma’lum qildi.

2023/24 yilgi mavsumda Zirkze “Bolonya” safida barcha turnirlar doirasida 37 ta o‘yin o‘tkazib, 12 ta gol urdi va 7 ta golli uzatmani amalga oshirdi. Transfermarkt portali futbolchining narxini 50 million yevroga baholamoqda. Uning shartnomasi 2026 yilning yoziga qadar mo‘ljallangan.