"Манчестер Юнайтед" "Болонья"га ҳужумчи Жошуа Зиркзее учун 40 миллион евро товон пули тўлашга тайёрлигини айтди.
Goal хабарига кўра, 23 ёшли футболчининг агенти келишувни якунлаш учун "қизил иблислар" билан тўғридан-тўғри музокаралар олиб бормоқда. "Милан" "Болонья"га товон пули улар учун жуда юқори эканлигини маълум қилди.
2023/24 йилги мавсумда Зиркзе “Болонья” сафида барча турнирлар доирасида 37 та ўйин ўтказиб, 12 та гол урди ва 7 та голли узатмани амалга оширди. Transfermarkt портали футболчининг нархини 50 миллион еврога баҳоламоқда. Унинг шартномаси 2026 йилнинг ёзига қадар мўлжалланган.
