“Al-Hilol” so‘nggi kunlarda Londonning “Chelsi” klubiga o‘tishga yaqin turgan futbolchini nishonga oldi. Gap PSV Eyndxoven klubi vingeri Joan Bakayoko haqida ketmoqda, u yozda jamoasini tark etish ehtimoli yuqori.

Jurnalist Janluidji Longari bergan ma’lumotlarga ko‘ra, "Al-Hilol" belgiyalik yosh futbolchiga jiddiy qiziqish bildirmoqda. 21 yoshli futbolchi faoliyatining boshida Saudiya Arabistoniga ko‘chib o‘tishga tayyormi yoki yo‘qmi, bu noma’lum.

Niderlandiya chempionatining so‘nggi mavsumida Bakayoko 12 ta gol va 9 ta golli uzatmani amalga oshirdi. Transfermarkt futbolchini 45 million yevroga baholamoqda.