Ispaniya terma jamoasi himoyachisi Nacho Fernandes Yevro-2024 yarim finalida Fransiyaga qarshi o‘yindan oldingi fikrlari bilan o‘rtoqlashdi.
"Fransiya juda jismoniy jamoa va ularda ham juda yuqori saviyali futbolchilar bor. Bu Yevropa chempionatida ular ko‘proq himoyaviy o‘ynashayotgan bo‘lishi mumkin, ammo ular sizni to‘xtata oladigan, o‘yinning ko‘p daqiqalarida sizni zonangizga majburlay oladigan jamoa va biz buni xohlamaymiz.
Bizning g‘oyamiz – bu turnirda barcha jamoalar bilan bo‘lgani kabi, tashabbusni o‘z qo‘limizga olish", — dedi Nacho Marca bilan suhbatda.
Ispaniya va Fransiya o‘rtasidagi o‘yin 9 iyul kuni, Toshkent vaqti bilan soat 23:59da boshlanadi.
