Joau Feliksning agenti Xorxe Mendesh futbolchining "Benfika"ga qaytishiga qarshi.

Portugaliyalik futbolchi 2018-yilda “Benfika”ning asosiy jamoasida debyut qilgan va bir yildan so‘ng 126 million yevro evaziga “Atletiko”ga o‘tgandi.

Avvalroq, Portugaliya klubi Joau Feliksning qaytishiga qiziqish bildirayotgani haqida xabar berilgandi. Biroq, bu futbolchining o‘zi va uning agenti Xorxe Mendeshning rejalariga kirmaydi.

“Atletiko” futbolchini 20 million yevroga sotishga rozi bo‘lmaydi. Bundan tashqari, bunday transfer summasi bilan "Benfika"ning futbolchini qo‘lga kiritish imkoniyati past bo‘lardi, chunki kurashga kuchliroq liga klublari qo‘shiladi.

Qolaversa, Joau Ispaniyada yiliga 8 million yevro maosh oladi, shuning uchun «Benfika» qaytib kelsa, unga teng keladigan daromadni taqdim eta olmaydi.

Feliks o‘tgan mavsumni "Barsa"da ijara asosida o‘tkazdi. U La Ligada 30 uchrashuvda 7 ta gol urdi va 3 ta golli uzatmani amalga oshirdi.