"Sevilya"ning sobiq bosh murabbiyi Xoakin Kaparros Ispaniya terma jamoasining 2024 yilgi Yevropa chempionati final bosqichiga chiqqani haqida fikr bildirdi.
"Albatta, o‘yin darajasi bo‘yicha ispanlar fransuzlardan yuqoriroq edi. Ispaniya o‘yinning barcha yo‘nalishlarida ustunlik qila oldi: himoya, hujum, futbolchilarning shaxsiy fazilatlari va jismoniy tayyorgarligi. Bularning barchasi Ispaniyaning Fransiyani haqli ravishda mag‘lub etganidan dalolat beradi. Ular Yevropa chempionatidagi barcha uchrashuvlarda o‘z saviyasini namoyish etdi.
Ispaniyada alohida ajralib turadigan futbolchilar bor. Finalga kim chiqishidan qat’i nazar, Ispaniya chempion bo‘ladi. Men bu haqda avvalroq aytgandim, so‘zlarim tasdiqlandi", — dedi Kaparros.
