"Севилья"нинг собиқ бош мураббийи Хоакин Капаррос Испания терма жамоасининг 2024 йилги Европа чемпионати финал босқичига чиққани ҳақида фикр билдирди.
"Албатта, ўйин даражаси бўйича испанлар французлардан юқорироқ эди. Испания ўйиннинг барча йўналишларида устунлик қила олди: ҳимоя, ҳужум, футболчиларнинг шахсий фазилатлари ва жисмоний тайёргарлиги. Буларнинг барчаси Испаниянинг Францияни ҳақли равишда мағлуб этганидан далолат беради. Улар Европа чемпионатидаги барча учрашувларда ўз савиясини намойиш этди.
Испанияда алоҳида ажралиб турадиган футболчилар бор. Финалга ким чиқишидан қатъи назар, Испания чемпион бўлади. Мен бу ҳақда аввалроқ айтгандим, сўзларим тасдиқланди", — деди Капаррос.
