"Bavariya" vingeri Kingsli Koman "Fenerbaxche"ning taklifini rad etdi.

Fransiyalik futbolchi Myunxen jamoasi safini shu yozda tark etishi mumkin, chunki yangi bosh murabbiy Vensan Kompani, agar mish-mishlarga ishonadigan bo‘lsak, unga unchalik ishonmaydi. O‘tgan oyda ma’lum bo‘lishicha, Joze Mourinyo boshchiligidagi "Fenerbaxche" Komanni sotib olmoqchi. Jurnalist Florian Plettenbergning so‘zlariga ko‘ra, so‘nggi kunlarda turk klubi 28 yoshli futbolchini o‘ziga jalb qilish uchun yana bir necha bor uringan, biroq bu muvaffaqiyatga olib kelmagan – u kelishuvga qiziqish bildirmagani uchun barcha so‘rovlarni rad etgan.

Transfermarkt portali Kingsli Komanning narxini 50 million yevroga baholamoqda. Futbolchining amaldagi shartnomasi 2027 yilgacha mo‘ljallangan.