"Бавария" вингери Кингсли Коман "Фенербахче"нинг таклифини рад этди.
Франциялик футболчи Мюнхен жамоаси сафини шу ёзда тарк этиши мумкин, чунки янги бош мураббий Венсан Компани, агар миш-мишларга ишонадиган бўлсак, унга унчалик ишонмайди. Ўтган ойда маълум бўлишича, Жозе Моуриньо бошчилигидаги "Фенербахче" Команни сотиб олмоқчи. Журналист Флориан Плеттенбергнинг сўзларига кўра, сўнгги кунларда турк клуби 28 ёшли футболчини ўзига жалб қилиш учун яна бир неча бор уринган, бироқ бу муваффақиятга олиб келмаган – у келишувга қизиқиш билдирмагани учун барча сўровларни рад этган.
Transfermarkt портали Кингсли Команнинг нархини 50 миллион еврога баҳоламоқда. Футболчининг амалдаги шартномаси 2027 йилгача мўлжалланган.
