"Arsenal" va Angliya terma jamoasi darvozaboni Aaron Remsdeyl Premyer-liganing boshqa klubiga o‘tishi mumkin.
26 yoshli posbon David Rayyaga imkoniyatini boy berib, "kanonirlar"ning asosiy tarkibidagi o‘rnini yo‘qotdi. Angliyalik futbolchi shu yozda ketishni jiddiy o‘ylamoqda.
The Sun xabariga ko‘ra, elit divizionga qaytgan "Sautgempton" uni sotib olmoqchi. "Arsenal" darvozabon uchun 30 million funt (35 million yevrodan ortiq) so‘ramoqda. Aaron Remsdeyl so‘nggi mavsumda Mikel Arteta jamoasida barcha musobaqalarda 11 ta o‘yinda maydonga tushib, 12 ta gol o‘tkazib yuborgan. Futbolchining amaldagi faoliyati 2025 yoziga qadar mo‘ljallangan.
