"Арсенал" ва Англия терма жамоаси дарвозабони Аарон Ремсдейл Премьер-лиганинг бошқа клубига ўтиши мумкин.
26 ёшли посбон Давид Райяга имкониятини бой бериб, "канонирлар"нинг асосий таркибидаги ўрнини йўқотди. Англиялик футболчи шу ёзда кетишни жиддий ўйламоқда.
The Sun хабарига кўра, элит дивизионга қайтган "Саутгемптон" уни сотиб олмоқчи. "Арсенал" дарвозабон учун 30 миллион фунт (35 миллион евродан ортиқ) сўрамоқда. Аарон Ремсдейл сўнгги мавсумда Микель Артета жамоасида барча мусобақаларда 11 та ўйинда майдонга тушиб, 12 та гол ўтказиб юборган. Футболчининг амалдаги фаолияти 2025 ёзига қадар мўлжалланган.
