"Sevilya"ning sobiq a’zosi ukrainalik Evgeniy Konoplyanka futbolchilik faoliyatini yakunlagani haqida xabar bergan edik. Bu haqda futbolchi o‘z fikrlari bilan o‘rtoqlashdi.
"Bugun men sizlar bilan juda muhim narsani baham ko‘raman. Men uchun futbol shunchaki o‘yin emas, shunchaki sport yoki musobaqa emas.
Bu meni shaxs sifatida va professional inson sifatida kimligimning ko‘rsatib turuvchi katta vosita hamdir.
Men bu o‘yinni juda yaxshi ko‘raman va futbol maydonida boshdan kechirgan har bir lahzani qadrlayman.
Ammo bugun sizga ma’lum qilishim kerakki, men professional faoliyatimni yakunlashga qaror qildim. Shu bois, men bilan shu yo‘lni bosib o‘tgan barchaga, g‘alabalar quvonchi va mag‘lubiyat qayg‘usini men bilan baham ko‘rgan barchaga, meni kuzatib, maydonda va undan tashqarida qo‘llab-quvvatlagan barchaga rahmat aytaman", — dedi 34 yoshli Konoplyanka Instagram'da.
