“Manchester Siti” Rodrining Gibraltar haqidagi hayqiriqlariga izoh bermadi.
Ispaniya terma jamoasi Yevro-2024dagi g‘alabasini Madridda nishonladi - turnir finalida Luis de la Fuente shogirdlari Angliyani mag‘lub etishdi (2:1).
Ispaniya poytaxti markazida tantanalar boshlanishidan oldin “Barselona” vingeri Lamin Yamal va “Manchester Siti” yarim himoyachisi Rodri raqsga tushishdi va: “Gibraltar – ispan”, deya kuylashdi.
Britaniyaning The Guardian nashri Rodrining bu hayqirig‘i yuzasidan "Manchester Siti"dan izoh olishga harakat qildi, biroq so‘rovga javob olmadi.
Hukumat va Gibraltar futbol assosiasiyasi allaqachon bu hodisa yuzasidan UYEFAga shikoyat qilishlarini bildirishgan.
