“Манчестер Сити” Родрининг Гибралтар ҳақидаги ҳайқириқларига изоҳ бермади.

Испания терма жамоаси Евро-2024даги ғалабасини Мадридда нишонлади - турнир финалида Луис де ла Фуэнте шогирдлари Англияни мағлуб этишди (2:1).

Испания пойтахти марказида тантаналар бошланишидан олдин “Барселона” вингери Ламин Ямал ва “Манчестер Сити” ярим ҳимоячиси Родри рақсга тушишди ва: “Гибралтар – испан”, дея куйлашди.

Британиянинг The Guardian нашри Родрининг бу ҳайқириғи юзасидан "Манчестер Сити"дан изоҳ олишга ҳаракат қилди, бироқ сўровга жавоб олмади.

Ҳукумат ва Гибралтар футбол ассоциацияси аллақачон бу ҳодиса юзасидан УЕФАга шикоят қилишларини билдиришган.