"Barselona"ning sobiq bosh murabbiyi Ronald Kuman La Liganing yangi mavsumi boshlanishidan oldin "Real" va "Barselona" jamoalarining tarkibiga baho berdi.
"Madrid ko‘p jihatdan "Barselona"dan ustun. Bilaman, "Barselona"da Lamin, Pedri yoki Gavi kabi yoshlar ko‘p, lekin ularga Mbappe kabi maydondagi vaziyatni o‘z foydasiga o‘zgartira oladigan odamlar kerak.
Agar sizda shunday o‘yinchilar yoki Messiga o‘xshaganlar bo‘lmasa... Lamin o‘z yoshida ta’sirchan, lekin unga vaqt va xotirjamlik berish kerak. Dunyoda bitta Messi bor, biz boshqasini kelajakda ko‘rmaymiz", - dedi Kuman AS bilan suhbatda.
