"RB Leypsig" va Ispaniya terma jamoasi yarim himoyachisi Dani Olmo "Barselona"ga qaytishga tayyor.

26 yoshli futbolchi Yevro-2024da ajoyib natija qayd etib, Luis de la Fuente jamoasining muhim qismiga aylandi. So‘nggi paytlarda Olmoning top-klubga o‘tishi mumkinligi haqida mish-mishlar yanada ko‘paygan bo‘lsa ajab emas. Sport xabariga ko‘ra, hujumkor yarim himoyachining o‘zi "Barselona"ni afzal ko‘rmoqda. "Ko‘k-anorranglilar" optimistik va o‘z o‘yinchisini qaytarib olishlariga ishonishadi. Ushbu transfer kataloniyaliklarga taxminan 60 million yevroga tushadi.

Dani Olmo 2007 yildan 2014 yilgacha "Barselona"ning yoshlar tizimida o‘ynagan, keyin esa asosiy jamoaga kirolmay, Zagrebning "Dinamo"siga o‘tgan.