O‘zbekiston rasmiy delegasiyasi 4 yillikning eng muhim starti – Parij-2024 XXXIII yozgi Olimpiya o‘yinlarida ishtirok etish uchun Fransiya poytaxtiga jo‘nab ketdi.
Delegasiya Islom Karimov nomidagi Toshkent xalqaro aeroportida kuzatib qo‘yildi. Yurtdoshlarimiz yangi orzu va umidlar bilan "Dream Liner" bortida Parij tomon yo‘l oldi.
Ma’lumot uchun, bo‘lajak Olimpiya o‘yinlari rasman 26-iyul – 11-avgust kunlari bo‘lib o‘tadi. O‘zbekiston delegasiyasi o‘z ishtirokini ertaga futbolchilarimizning Ispaniyaga qarshi o‘yini bilan boshlaydi.