Ot sporti bo‘yicha uch karra  chempioni britaniyalik Sharlotta Dyujardin otga shafqatsiz munosabatda bo‘lgani uchun Parijdagi o‘yinlardan chetlatildi.

Xalqaro ot sporti federasiyasi sportchini tergovgacha diskvalifikasiya qildi.

“To‘rt yil oldingi video e’lon qilindi, unda mashg‘ulotlar paytida noto‘g‘ri mulohaza yuritganim ko‘rsatilgan.

Tabiiyki, Xalqaro ot sporti federasiyasi tergovni boshladi”, — deb yozdi Dyujardin ijtimoiy tarmoqlarida. Chavandozning ta’kidlashicha, sodir bo‘lgan voqea uning otlarga bo‘lgan munosabati yoki o‘quvchilarni tayyorlashga bo‘lgan yondashuvini aks ettirmaydi va u GB jamoasini, muxlislar va homiylarni xafa qilgani uchun afsusda.

The Telegraph nashrining yozishicha, to‘rt yil avval chop etilgan videoda Dyujardin 19 yoshli chavandozni mashq qildiradi va elementni aniqroq bajarishi uchun otning oyoqlariga qamchi bilan uradi.

Xalqaro federasiya dastlab britaniyalik sportchini 2024-yil 23-iyuldan boshlab olti oy muddatga musobaqalardan chetlashtirishga qaror qildi, biroq keyinroq federasiya ushbu taqiq yana ko‘rib chiqilishi haqida xabar berdi.

Chavandoz Olimpiadada, shuningdek, FEI va Britaniya milliy federasiyasi shafeligidagi boshqa turnirlarda ishtirok eta olmaydi.

Avvalroq, yamaykalik bosqon uloqtiruvchi Nayoka Klunis internetdagi muammolar tufayli Olimpiadani o‘tkazib yuborishi haqida xabar bergan edik.