От спорти бўйича уч карра  чемпиони британиялик Шарлотта Дюжардин отга шафқатсиз муносабатда бўлгани учун Париждаги ўйинлардан четлатилди.

Халқаро от спорти федерацияси спортчини терговгача дисквалификация қилди.

“Тўрт йил олдинги видео эълон қилинди, унда машғулотлар пайтида нотўғри мулоҳаза юритганим кўрсатилган.

Табиийки, Халқаро от спорти федерацияси терговни бошлади”, — деб ёзди Дюжардин ижтимоий тармоқларида. Чавандознинг таъкидлашича, содир бўлган воқеа унинг отларга бўлган муносабати ёки ўқувчиларни тайёрлашга бўлган ёндашувини акс эттирмайди ва у GB жамоасини, мухлислар ва ҳомийларни хафа қилгани учун афсусда.

The Telegraph нашрининг ёзишича, тўрт йил аввал чоп этилган видеода Дюжардин 19 ёшли чавандозни машқ қилдиради ва элементни аниқроқ бажариши учун отнинг оёқларига қамчи билан уради.

Халқаро федерация дастлаб британиялик спортчини 2024-йил 23-июлдан бошлаб олти ой муддатга мусобақалардан четлаштиришга қарор қилди, бироқ кейинроқ федерация ушбу тақиқ яна кўриб чиқилиши ҳақида хабар берди.

Чавандоз Олимпиадада, шунингдек, FEI ва Британия миллий федерацияси шафелигидаги бошқа турнирларда иштирок эта олмайди.

Аввалроқ, ямайкалик босқон улоқтирувчи Найока Клунис интернетдаги муаммолар туфайли Олимпиадани ўтказиб юбориши ҳақида хабар берган эдик.