Londonning “Chelsi” klubi “Atletiko” hujumchisi Samuel Omorodionning transferini yakunlashi qiyin bo‘ladi.

“Ko‘klar” hali ham 20 yoshli futbolchi uchun kurashdan chiqmagan, ammo “matraschilar” uni sotishdan manfaatdor emas, shuning uchun ular taxminan 70 million yevro so‘rashadi, deya xabar bermoqda jurnalist Ben Jeykobs. "Atletiko" istiqbolli forvard bilan shartnomani uzaytirishni va shartnomaga 120 million yevro miqdorida tovon puli bandini kiritishni rejalashtirmoqda.

Samuel Omorodion o‘tgan mavsumni "Alaves"da ijara asosida o‘tkazdi. Ispaniyalik futbolchi La Ligada 35 ta o‘yinda 9 ta gol urdi va bitta golli uzatmani amalga oshirdi. Futbolchining "Atletiko" bilan amaldagi shartnomasi 2028 yilgacha mo‘ljallangan.