Лондоннинг “Челси” клуби “Атлетико” ҳужумчиси Самуэль Омородионнинг трансферини якунлаши қийин бўлади.
“Кўклар” ҳали ҳам 20 ёшли футболчи учун курашдан чиқмаган, аммо “матрасчилар” уни сотишдан манфаатдор эмас, шунинг учун улар тахминан 70 миллион евро сўрашади, дея хабар бермоқда журналист Бен Жейкобс. "Атлетико" истиқболли форвард билан шартномани узайтиришни ва шартномага 120 миллион евро миқдорида товон пули бандини киритишни режалаштирмоқда.
Самуэль Омородион ўтган мавсумни "Алавес"да ижара асосида ўтказди. Испаниялик футболчи Ла Лигада 35 та ўйинда 9 та гол урди ва битта голли узатмани амалга оширди. Футболчининг "Атлетико" билан амалдаги шартномаси 2028 йилгача мўлжалланган.
