Londonning «Arsenal» klubi yozda o‘z hujumchisi Eddi Nketia bilan xayrlashishga tayyor. "La Provence" xabariga ko‘ra, «kanonirlar» «Marsel»ga angliyalikni 50 million yevro evaziga qo‘yib yuborishlarini ma’lum qilgan.
Fransuz klubi bosh murabbiyi Roberto de Dzerbi so‘nggi mavsumlarda «Arsenal» uchun juda yuqori sifatli rotasiya o‘yinchisi bo‘lgan Nketiani o‘z jamoasida ko‘rishni istaydi. «Marsel» «kanonirlar»ga kerakli miqdorni to‘lashga tayyormi yoki yo‘qmi hozircha ma’lum emas.
25 yoshli Nketiya Angliya Premyer-ligasining so‘nggi mavsumida 5 ta gol urdi va 2 ta golli uzatmani amalga oshirdi. Eddi barqaror o‘yin tajribasiga ega bo‘ladigan jamoaga o‘tmoqchi.
