"Barselona" "RB Leypsig" yarim himoyachisi Dani Olmoning transferi bo‘yicha muzokaralarni davom ettirmoqda.
Nemis klubi bilan shartnoma shartlarini kelishib olish oson bo‘lmaydi, ammo “ko‘k-anorranglilar” rahbariyati Olmoning o‘zi ham bu transferdan manfaatdor ekanini bilishadi va bu ularga umid uyg‘otadi. Fabrisio Romanoning so‘zlariga ko‘ra, so‘nggi 24-48 soat ichida "Barselona" yana RB Leypsig va 26 yoshli futbolchining atrofidagilar bilan bog‘langan. Kelgusi hafta hal qiluvchi bo‘lishi kerak.
Shuningdek, kataloniyaliklar Bilbaoning “Atletik” klubidan Niko Uilyamsni sotib ololmasa, Dani Olmoning “Barselona”ga o‘tish ehtimoli oshishi qayd etilgan.
