Kecha, 27 iyul kuni OKMK Superliga ikkinchi davrasi oldidan so‘nggi o‘rtoqlik uchrashuvini «Mash’al» klubiga qarshi o‘tkazdi.
Yopiq eshiklar ortida bo‘lib o‘tgan bellashuvda «konchilar» raqiblarini 2:1 hisobida mag‘lub etdi. Dastlab muborakliklar 3-daqiqada hisobni ochishga erishgan bo‘lsa, bunga javoban hozirda olmaliqliklar ko‘rigida bo‘lib turgan Kleydi Dasi 43 va 86-daqiqalarda «Mash’al» darvozasiga gol urib, jamoa g‘alabasini ta’minladi.
Eslatib o‘tamiz, «konchilar» Superliga doirasida 3-avgust kuni Andijonga safar uyushtirib, «Andijon» klubi mehmoni bo‘ladi.
