Yozgi transfer davrida Bekobodning “Metallurg” jamoasi himoya chizig‘ining yana bir vakili bilan xayrlashdi. Klub tajribali himoyachi Mirg‘iyos Sulaymonov bilan o‘zaro kelishuvga binoan shartnomani bekor qildi.
Mirg‘iyos Sulaymonov “Metallurg”ga 2024 yilning boshida Samarqandning “Dinamo” jamoasidan kelib qo‘shilgandi. Qadrdon jamoasiga ikkinchi marta qaytgan tajribali himoyachiga Superliganing 1 ta uchrashuvida maydonga tushish imkoniyati berildi. O‘zbekiston kubogining guruh bosqichi bahslarida esa ikkita o‘yinni maydonda to‘p surdi.
