"Barselona" "Leypsig"ga 26 yoshli hujumkor yarim himoyachi Dani Olmo uchun yangi taklif tayyorlamoqda. Bu haqda jurnalist Ferran Martines xabar berdi.

Manbaga ko‘ra, Kataloniya klubi ispaniyalik futbolchining transferi uchun "Leypsig"ga 60 million yevro taklif qilmoqda. Shu bilan birga, "ko‘k-anorranglilar" belgilangan miqdor sifatida 47 million yevro va yana 13 million yevro bonuslar (o‘ynagan o‘yinlar soni uchun 3 million yevro, jamoa bilan unvonlar uchun 10 million yevro) to‘lashni istamoqda.

Ta’kidlanishicha, "Barselona" 25 million yevro miqdoridagi birinchi to‘lovni kuzda amalga oshirmoqchi.