"Барселона" "Лейпциг"га 26 ёшли ҳужумкор ярим ҳимоячи Дани Ольмо учун янги таклиф тайёрламоқда. Бу ҳақда журналист Ферран Мартинес хабар берди.
Манбага кўра, Каталония клуби испаниялик футболчининг трансфери учун "Лейпциг"га 60 миллион евро таклиф қилмоқда. Шу билан бирга, "кўк-анорранглилар" белгиланган миқдор сифатида 47 миллион евро ва яна 13 миллион евро бонуслар (ўйнаган ўйинлар сони учун 3 миллион евро, жамоа билан унвонлар учун 10 миллион евро) тўлашни истамоқда.
Таъкидланишича, "Барселона" 25 миллион евро миқдоридаги биринчи тўловни кузда амалга оширмоқчи.
