Londonning "Fulxem" klubi markaziy yarim himoyachi Skott Maktominey transferi bo‘yicha "Manchester Yunayted"ga ikkinchi taklif bilan chiqdi, deb xabar bermoqda The Telegraph.
Manbaga ko‘ra, "Fulxem" "Manchester Yunayted" tarbiyalanuvchisi uchun 23,5 million yevro taklif qilgan, avvalroq londonliklarning 17,5 million yevrolik birinchi taklifi rad etilgani ma’lum bo‘lgandi. Shuningdek, shotlandiyalik futbolchiga Turkiyaning ikki klubi – "Fenerbaxche" va "Galatasaroy" ham qiziqish bildirayotgani haqida xabarlar bor.
27 yoshli Skott Maktominay "Manchester Yunayted" tarbiyalanuvchisi, u yoshlar jamoasidan asosiy jamoagacha bo‘lgan yo‘lni bosib o‘tgan. Yarim himoyachining shartnomasi 2025 yilning yoziga qadar mo‘ljallangan. Transfermarkt shotlandiyalik futbolchini 32 million yevroga baholamoqda.
O‘tgan mavsumda Maktominay "mankunianliklar" safida barcha turnirlarda 43 ta o‘yin o‘tkazib, 10 ta gol urdi va 3 ta golga assistentlik qildi.
