Лондоннинг "Фулхэм" клуби марказий ярим ҳимоячи Скотт Мактоминей трансфери бўйича "Манчестер Юнайтед"га иккинчи таклиф билан чиқди, деб хабар бермоқда The Telegraph.
Манбага кўра, "Фулхэм" "Манчестер Юнайтед" тарбияланувчиси учун 23,5 миллион евро таклиф қилган, аввалроқ лондонликларнинг 17,5 миллион евролик биринчи таклифи рад этилгани маълум бўлганди. Шунингдек, шотландиялик футболчига Туркиянинг икки клуби – "Фенербахче" ва "Галатасарой" ҳам қизиқиш билдираётгани ҳақида хабарлар бор.
27 ёшли Скотт Мактоминай "Манчестер Юнайтед" тарбияланувчиси, у ёшлар жамоасидан асосий жамоагача бўлган йўлни босиб ўтган. Ярим ҳимоячининг шартномаси 2025 йилнинг ёзига қадар мўлжалланган. Transfermarkt шотландиялик футболчини 32 миллион еврога баҳоламоқда.
Ўтган мавсумда Мактоминай "манкунианликлар" сафида барча турнирларда 43 та ўйин ўтказиб, 10 та гол урди ва 3 та голга ассистентлик қилди.
