Tyerri Anri Argentina ustidan qozonilgan g‘alabani JCH-2022 finali uchun qasos deb hisoblamaydi.
Fransiya terma jamoasi argentinaliklarni 1:0 hisobida mag‘lub etib, olimpiya turnirining yarim finaliga yo‘l oldi.
“Biz bu o‘yinni qasos sifatida qabul qilmaymiz, chunki Jahon chempionatida (Fransiya finalda Argentinaga penaltilar seriyasida yutqazgandi) boshqa jamoalar o‘ynadi. Bu o‘yinda bizga erta gol yordam berdi.
O‘yin oxiridagi asabiyliklar uchun uzr. Bu men xohlagan narsa emas edi va men buni nazorat qila olmadim. Futbolchimiz maydondan chetlatildi”, dedi Fransiya olimpiya terma jamoasi bosh murabbiyi.













