«Barselona» bosh murabbiyi Xansi Flik klubdagi kelajagi va jamoaning rivojlanish strategiyasi haqida gapirdi. Nemis mutaxassisi o‘z oldiga qo‘ygan eng muhim vazifalarini sanab o‘tdi.
«Hayotimda ikkita katta maqsad bor: birinchisi — «Barselona» bilan Chempionlar ligasida zafar quchish. Ikkinchisi esa yangi qurilayotgan stadionda jamoa murabbiyi sifatida ishtirok etish. Qachon bo‘lishini bilmayman, lekin o‘sha stadionda bo‘lishni istayman», — dedi Flik.
Shuningdek, murabbiy transfer siyosati haqida to‘xtalib, xatolarga yo‘l qo‘ymaslik lozimligini ta’kidladi:
«Bizda kelajak uchun ajoyib jamoa va katta salohiyatga ega yoshlar bor. Endigi vazifa — transfer bozorida «ahmoqona» ishlar qilmasdan, aniq va mukammal qarorlar qabul qilish. Jamoaning tuzilmasi mustahkam va biz faqat to‘g‘ri yo‘nalishda davom etishimiz kerak».
