«Real Madrid» klubining chap qanot himoyachisi Alvaro Karreras faoliyatini Angliya yoki Italiya chempionatlarida davom ettirishi mumkin. 23 yoshli futbolchi bir yo‘la to‘rtta yirik klub — «Manchester Yunayted», «Arsenal», «Yuventus» va «Napoli» e’tiboriga tushdi.
Eslatib o‘tamiz, «qirollik klubi» o‘tgan yilning yozida Karrerasni Lissabonning «Benfika» jamoasidan 50 million yevro evaziga sotib olgan edi. Ispaniyalik futbolchi joriy mavsumda madridliklar safida barcha turnirlarda 37 ta o‘yinda maydonga tushib, 2 ta gol va 2 ta golli uzatmaga mualliflik qildi.
Karrerasning «Real» bilan amaldagi shartnomasi 2031 yilga qadar mo‘ljallangan.
