«Реал Мадрид» клубининг чап қанот ҳимоячиси Альваро Каррерас фаолиятини Англия ёки Италия чемпионатларида давом эттириши мумкин. 23 ёшли футболчи бир йўла тўртта йирик клуб — «Манчестер Юнайтед», «Арсенал», «Ювентус» ва «Наполи» эътиборига тушди.

Эслатиб ўтамиз, «қироллик клуби» ўтган йилнинг ёзида Каррерасни Лиссабоннинг «Бенфика» жамоасидан 50 миллион евро эвазига сотиб олган эди. Испаниялик футболчи жорий мавсумда мадридликлар сафида барча турнирларда 37 та ўйинда майдонга тушиб, 2 та гол ва 2 та голли узатмага муаллифлик қилди.

Каррераснинг «Реал» билан амалдаги шартномаси 2031 йилга қадар мўлжалланган.