"Barselona" Dani Olmo uchun 50 million yevrodan ko‘proq pul to‘lamoqchi emas.

Endi ispanlar “Leypsig”ga 47 million yevro va o‘ynagan o‘yinlar uchun 3 million bonus va chemaionlik uchun 10 million bonus taklif qilmoqda.

Nemis klubi hali ham futbolchi uchun 60 million yevro talab qilmoqda, ammo "Barsa" bu summani darhol to‘lamoqchi emas. Kataloniyaliklar 50 millionni ko‘zlamoqda, chunki bu mablag‘ futbolchining keyingi mavsumdan boshlab tovon puli hisoblanadi.

Ayni damda "Barselona"ning so‘nggi taklifi javobsiz qolmoqda. "Leypsig" kelishuvga shoshilishni rejalashtirmayapti va bozorda unga o‘xshash o‘rinbosar topish uchun pul kerakligini da’vo qilmoqda.

Yaqin kunlarda rahbariyat 1 avgust kuni ish boshlagan yangi sport direktori Marsel Shefer bilan vaziyatni baholaydi.

Nemislar kelasi haftada futbolchining agentlari bilan ham uchrashishni rejalashtirgan. Olmo vakillari muzokaralar yakuniga qadar, qanday natija bo‘lishidan qat’i nazar, Leypsigda qolish niyatida.